बारदाना अभावी मका खरेदी ला अडचण.खरेदी केंद्रावर पणन विभागाने बारदाना उपलब्ध करून द्यावा.. बापूसाहेब मेहेर....

शासनाने दिलेल्या मुदतीच्या आत शेतकऱ्यांची संपूर्ण मका खरेदी करा - ना. छगन भुजबळ

नाशिक,दि.५ जून :- शासनाने मका खरेदीसाठी ३० जून पर्यंत मुदत दिली आहे. मात्र मका खरेदी प्रक्रिया धीम्या गतीने होत असल्याच्या शेतकऱ्यांच्या तक्रारी प्राप्त होत असून शासनाने दिलेल्या मुदतीच्या आत सर्व शेतकऱ्यांची संपूर्ण मका खरेदी करा असे आदेश राज्याचे अन्न, नागरी पुरवठा व ग्राहक संरक्षण मंत्री तथा नाशिक जिल्ह्याचे पालकमंत्री ना.छगन भुजबळ यांनी संबंधित अधिकाऱ्यांना दिले आहे.

ना.छगन भुजबळ यांनी येवला येथे सुरु असलेल्या मका खरेदी केंद्राबाबत संबधित अधिकाऱ्यांकडून माहिती घेतली. यावेळी मका खरेदी प्रक्रिया धीम्या गतीने होत असल्याचे निदर्शनास आले आहे. यासाठी ना. छगन भुजबळ यांनी मका खरेदीसाठी जास्तीचे वजन काटे यासह आवश्यक यंत्रणा कार्यान्वित करण्याच्या सूचना दिल्या. त्यानंतर ना.छगन भुजबळ यांनी जिल्हाधिकारी कार्यालयात झालेल्या आढावा बैठकीत जिल्ह्यातील मका खरेदी बाबत आढावा घेऊन मका खरेदी प्रक्रिया जलदपणे करून जिल्ह्यातील एकही शेतकऱ्याची मका शिल्लक राहता कामा नये असे आदेश दिले.

त्याचबरोबर बारदानाअभावी मका खरेदीस अडचणी येत असल्याने व्यवस्थापकीय संचालक पणन विभाग यांचेशी बैठकीतून संपर्क साधून त्यांनी जिल्ह्यातील सर्व मका खरेदी केंद्रावर बारदान उपलब्ध करून द्यावे अशा सूचना मंत्री ना. भुजबळ यांनी दिल्या आहेत. त्यामुळे पुढील दोन दिवसात मका खरेदी प्रक्रिया अधिक जलद गतीने होणार आहे.

बाप्पुसाहेब मेहेर 

समता परिषद पुणे 

बिझनेस क्लब पुणे - अध्यक्ष
संपर्क मोबाईल  ९८९०१५०६००